.png)
Gazeta Si – Një furgon që trasportonte nxënësit e shkollës profesionale të Bulqizës drejt minierave është aksidentuar këtë të enjte në Bulqizë. Policia raporton se 5 prej pasagjerëve ndodhen në spital jashtë rrezikut për jetën.
Ngjarja ndodhi në aksin rrugor rural që lidh qytetin e Bulqizës me zonën e antenave. Drejtuesi i mjetit ka humbur kontrollin dhe për pasojë ka dalë nga rruga.
“Rreth orës 15:20, në aksin rrugor rural që lidh qytetin e Bulqizës me zonën e antenave, shtetasi Xh. S., duke drejtuar automjetin (furgon), ka humbur kontrollin mbi drejtimin e automjetit dhe ka dalë nga rruga. Për pasojë, kanë mbetur të dëmtuar, jashtë rrezikut për jetën, drejtuesi i automjetit, shtetasi Xh. S., si dhe shtetasit E. P., A. C., Xh. P., E. D. dhe B. V. (pasagjerë në këtë furgon)”, njoftoi policia.
Sipas burimeve paraprake, 5 prej tyre janë dërguar në spitalin rajonal. Nxënësit e degës “Gjeologji Miniera” shkojnë çdo ditë për të kryer praktikën në galeritë e kromit.
Nga informacionet e marra nga spitali, bëjnë me dije se të 5 nxënësit po marrin ndihmën mjekësore janë jashtë rrezikut për jetën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje