.png)
Gazeta Si – Tre të rinj kanë mbetur të plagosur në Shkodër si pasojë e një sherri me thika të ndodhur pranë poliklinikës në qendër të qytetit.
Policia thotë se rreth orës 12:30 në lagjen “Qemal Stafa”, një 18 vjeçar i identifikuar si A.H., pas një konflikti, ka plagosur me thikë 3 bashkëmoshatarë të tij. Të rinjtë janë dërguar me urgjencë në spital ku po marrin ndihmën e nevojshme mjekësore.
Nga burime paraprake, raportohet se njëri prej të plagosurve paraqitet të jetë në gjendje më të rëndë shëndetësore si pasojë e plagëve të marra.
Ndërkohë, policia është vënë në ndjekje të autorit, i cili u largua nga vendi i ngjarjes menjëherë pas sulmit ndaj bashkëmoshatarëve të tij. Grupi hetimor vijon punën për sqarimin e plotë të rrethanave të kësaj ngjarjeje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje