.png)
Gazeta Si – Pas gati gjashtë muajsh pritjeje, ish-deputetja suedeze Caroline Nordengrip më në fund ka arritur të bashkohet me ushtrinë ukrainase.
Militantja 43-vjeçare e demokratëve të krahut të djathtë suedez, e cila kishte kohë që stërvitej përkrah ushtrisë së Kievit, ka marrë lejen për t’u regjistruar në luftën kundër Rusisë.
“Tani, pas tre ditësh burokraci, më lejuan të regjistrohem në ushtrinë e rregullt, u deshën të kalonin shumë pengesa. Gjurmët e gishtërinjve, fotot, mjekët, psikologët, të paktën 30 firma”, ka shkruar Nordengrip në profilin e saj në Instagram, ku ka rrëfyer rrugën që e çoi në ushtrinë ukrainase nga Suedia.
Ish-deputetja, e cila ka publikuar dokumentacionin zyrtar falë të cilit mund të vendoset në fushën e betejës, do t’i shërbejë forcave të armatosura ukrainase në radhët e Legjionit Ndërkombëtar.
Nordengrip, e cila gjithashtu bëri tatuazh në krahun e saj “tryzub”-in, tredhëmbshin ukrainas, emblema e princave Rjurikid që dominuan territorin gjatë Mesjetës, duke themeluar kryeqytetin në Kiev, është trajnuar me forcat e armatosura të Zelenskit që nga nëntori i vitit 2022.
Në Instagram, ajo shpërndau shumë foto nga seancat stërvitore, të shoqëruara me fjali admirimi për luftëtarët e Kievit që “i rezistojnë sulmit rus 24 orë në ditë, në të gjitha kushtet, të ftohtë apo të nxehtë”.
Që prej nisjes së luftës në shkurt 2022, Ukrainës i janë bashkuar me qindra mercenarë të huaj në luftën kundër Rusisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje