.png)
Gazeta Si – Ambasadorja greke në Shqipëri, Konstantina Kamitsi ka mbërritur në qytetin e Vlorës pas dhënies së vendimit të gjykatës për arrestimin e kandidatit të “Bashkë Fitojmë”, Fredi Beleri.
Ajo është takuar me avokatin e kandidatit për kryebashkiak të Himarës dhe ka kërkuar informacione për të nga krerët e Policisë së Vlorës.
Ndërkohë mëngjesin e së premtes, Kamitsi shkoi edhe Ministrinë e Jashtme shqiptare, ku kishte kërkuar takim me kreun e këtij institucioni, Olta Xhaçkën.
Por, ishte takuar për disa minuta me një nga drejtorët e Ministrisë së Jashtme, të cilit i kishte shprehur shqetësimin për arrestimin e Belerit.
“Pas lajmit për arrestimin e Fredi Belerit, kandidat për kryetar të Bashkisë së Himarës, ambasadorja e Greqisë në Tiranë Konstandina Kamitsi, pas udhëzimeve të ministrit të Jashtëm Nikos Dendias, po zhvillon një vizitë më 12 Maj në Ministrinë e Punëve të Jashtme të Shqipërisë”, thuhet në njoftimin e Ministrisë së Jashtme greke.
3/3We respectfully urge our 🇬🇷friends in Athens to closely monitor the development of the case with patience, allowing Albanian justice to do its work without external pressures or divisive messages. Good to keep Brussels informed,but we should also wait for the facts to emerge.
— Olta Xhaçka🇦🇱 (@xhacka_olta) May 12, 2023
Në një reagim në Twitter, ministrja e Jashtme shqiptare Olta Xhaçka, i ka kërkuar kryeministrit Micotaqis dhe homologut të saj Dendias, të presin faktet e drejtësisë, pas paralajmërimit të tyre se do të informojnë Brukselin për arrestimin e Belerit.
“Blerja e votave është vepër e rëndë penale në legjislacionin tonë dhe organizatat tona ligjzbatuese e kanë prioritet luftimin e saj në kohë zgjedhjes. Kjo vlen për të gjithë qytetarët e Republikës së Shqipërisë, përfshi vëllezërit dhe motrat nga minoriteti grek që marrin pjesë në zgjedhje”, shkruan Xhaçka në reagimin e saj në Twitter.
“Kandidatura e Fredi Belerit, një qytetar i Shqipërisë që garon për t’u zgjedhur nga bashkëqytetarët e tij nuk garanton ndonjë trajtim të veçantë. Ai është i barabartë para ligjit si gjithë të tjerët. U takon prokurorëve dhe gjykatësve që të merren me këtë çështje sipas dëshmive”.
1/3 Vote buying is a grave offense in our legislation, and our law enforcement agencies prioritize combating it during election time. This applies to all citizens of the Republic of Albania, including our Greek minority brothers and sisters participating in our elections.
— Olta Xhaçka🇦🇱 (@xhacka_olta) May 12, 2023
Xhaçka i bëri thirrje autoriteteve greke që të mos nxitohen në deklaratat e tyre. “U kërkojmë me respekt miqve tanë grekë në Athinë që të monitorojnë nga afër zhvillimet për këtë çështje me durim, duke lejuar drejtësinë shqiptare të bëjë punën e vet pa presione të jashtme dhe mesazhe përçarëse. Shumë mirë që informohet Brukseli, por duhet të presim edhe që të dalin faktet”.
Fredi Beleri, kandidati i koalicionit opozitar “Bashkë Fitojmë” për Bashkinë e Himarës, u arrestua pas mesnate nën akuzën për blerje votash.
Më herët, kreu i PBDNJ-së, Vangjel Dule, akuzoi direkt kryeministrin Rama si njeriun që urdhëroi arrestimin e Belerit në Himarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje