.png)
Partia Socialiste në Dibër ka fituar me një diferencë të madhe ndaj kandidatit të “Bashkë Fitojmë”. Kandidati i Partisë Socialiste, Rahim Spahiu ka fituar ndaj kundërshtarëve politikë me 16 304 vota në total.
Ndërkohë, kandidati i koalicionit “Bashkë Fitojmë” Ismail Uka, mori 6227 vota, ndërsa kandidati i PD-së Naim Gazidede ka marrë 1208 vota.
Zv/Kryeministrja Belinda Balluku, e cila është drejtuesja politike e qarkut Dibër ka falenderuar të gjithë qytetarët që kanë besuar te socialistët. Ajo ka theksuar se kanë shënuar objektivin e tyre ‘4 me 0’ për qarkun e Dibrës, pasi të katërta bashkitë u fituan nga socialistët.
“Ne e kemi deklaruar praktikisht ky ka qene dhe objektivi ynë. Zakonisht Partia Socialiste, objektivat i realizon dhe qarku i Dibrës meriton që të ketë vëmendjen totale të Partisë Socialiste dhe të qeverisë shqiptare. Ndërkohë, gjej rastin që të falenderoj këtu nga Dibra, pasi në qytetet e tjera e kemi bërë të gjithë skuadrën e Partisë Socialiste, por jo vetëm, pasi këto vota me ketë diferencë nuk është vetëm e PS. Sot në Dibër janë bashkuar të majtë dhe të djathtë, janë bashkuar të gjithë ata qytetarë që besojnë se Spahiu është ai që do ta bëj Dibrën më të mirë”, tha Balluku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje