.png)
Gazeta Si – Komisioneri Shtetëror i Zgjedhjeve, Ilirjan Celibashi ka certifikuar këtë të diel rezultatin përfundimtar të zgjedhjeve vendore të 14 Majit për Bashkinë e Tiranës dhe atë të Durrësit.
Ai ka miratuar tabelat përmbledhëse të rezultateve duke shpallur Erion Veliaj kryetar të Bashkisë së Tiranës dhe Emiriana Sakon kryetare të Bashkisë së Durrësit.
Erion Veliaj mori mbi 158 mijë vota përkundrejt mbi 100 mijë votave të Belind Këlliçit në Tiranë. Ndërsa në Durrës, Emiriana Sako mori mbi 48 mijë vota përkundrejt 38 mijë votave të Igli Carës.
Në Këshillin Bashkiak në Tiranë kryeson PS me 34 mandate, koalicioni “Bashkë Fitojmë” 15 mandate, PD 4 mandate, PSD 12 mandate, Lëvizja Bashkë, Nisma Thurje, PDIU, LZHK, PR me nga 1 mandat.
Në Durrës, PS ka marrë 28 mandate, “BF” 13 mandate, PD-ja 5 mandate, PAA 3 mandate dhe nga 1 mandat PSD e PDIU.
Rezultati përfundimtar përfshin votat e marra në total për kryetarin e bashkisë në çdo qytet, si edhe votat e grumbulluara për Këshillin Bashkiak.
Një ditë më herët Celibashi miratoi rezultatin për Bashkinë Shkodër duke konfirmuar Benet Becin si fitues.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje