.png)
Gazeta Si – Një 38-vjeçar u arrestua në Pogradec, pasi tentoi që të vriste me sëpatë fqinjin e tij 61 vjeç. Sipas policisë, ngjarja ka ndodhur në lagjen nr. 5, në këtë qytet, ku autoritetet kanë organizuar punën me qëllim neutralizimin e këtij konflikti, si dhe për zbardhjen e rrethanave të rastit.
Policia shtoi se pasditen e djeshme, dyshohet se pas një konflikti për motive të dobëta, 38-vjeçari ka dëmtuar me mjet prerës (sëpatë), fqinjin e tij, 61 vjeç, banues në Pogradec, i cili aktualisht merr ndihmë mjekësore, në spitalin e Pogradecit dhe është jashtë rrezikut për jetën.
Në vijim të veprimeve procedurale për këtë rast, shërbimet e Policisë i gjetën 38-vjeçarit, nga kontrolli fizik, një tjetër mjet prerës (thikë), i cili iu sekuestrua në cilësinë e provës materiale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje