.png)
Deputetja e PD-së, Ina Zhupa, ka kërkuar interpelancë urgjente me ministren e Arsimit dhe Sportit, Evis Kushi, për shkrirjen e Akademisë Shkencore të Albanologjisë.
Zhupa i ka kërkuar ministres Kushi të paraqitet në Kuvend lidhur me vendimin e saj për mbylljen e Akademisë së Albanologjisë.
Në fundjavë, Senati i Akademisë së Studimeve Albanologjike njoftoi vendimin e beftë për shkrirjen e kësaj akademie. Senati theksoi se akademikët nuk ishin vënë në dijeni për këtë fakt, dhe se vendimi shkel parimet e lirisë akademike.
Senati vuri në dukje se me këtë vendim nuk do të ketë më studime albanologjike, dhe se Akademia e Shkencave, e drejtuar nga Skënder Gjinushi, nuk ka të drejtë që me shkrirjen e saj të krijojë institute të reja.
Një lëvizje e tillë sipas Senatit ndërpret gjithashtu karrierën e afro 100 studiuesve si dhe studimet doktorale të studentëve pranë ASA-s.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje