.png)
Kryetari i PSD, Tom Doshi ka folur mbi arsyet e fitores së partisë së tij, duke u renditur e katërta me pak vota diferencë nga vendi i tretë në zgjedhjet e 14 majit.
Duke iu referuar akuzave të Berishës ndaj tij, Doshi i sugjeroi ish-kreut të PD-së të shohë brenda radhëve të partisë.
Por më shumë sesa për Berishën, Doshi dukej i qejfmbetur me Lulzim Bashën.
“Sa ishte në pushtet, Berisha e çoi Bashën në të gjitha ministritë sepse e kishte ndër njerëzit më të besueshëm. Tani na dalka tradhtar ai. Të njëjtën gjë ka bërë Sali Berisha edhe me Ramiz Alinë. Ramizi e çoi si të besuar te studentët dhe ai e futi në burg. Unë kam pasur rastin të takoja Ramiz Alinë dhe e pyeta: – Po si ka mundësi të sillet Berisha me ty kështu. Unë nuk e njihja, më tha: ‘Ma pruri Xhelil Gjoni’ Pra, të njëjtën gjë i bëri edhe Luli Berishës. Edhe këto në lidhje me mua, që jam person ‘non grata’, këtë gjë e ka bërë Luli me shok. Edhe mua edhe atij.
Por Berisha s’po më lë rehat, duhet t’i përgjigjem me se s’bën. Unë i bëj thirrje Berishës që: Në radhë të parë bëj një parti njëherë, regjistroje në gjykatë, me qëllim që në mënyrë legjitime të zgjidhet kryetar partie. Ose të bashkojë PD-në, edhe pse s’ka gjë më terezi po të bashkohet me Lulin dhe atë pjesën tjetër. Por në këto kushte që është sot, është kthyer në një zëdhënës i një grupimi politik. S’ka asnjë tagër”, tha Doshi në një interviste për “Top Story”
Kreu i PSD pretendon se Lulzim Basha, edhe pse publikisht nuk u duk në fushatën e 14 majit, në të vërtetë ka mbështetur kandidatin socialist në Shkodër, Benet Becin vetëm që Sali Berisha të humbte Shkodrën
“Luli ka luftuar që Berisha të humbasë. Kemi rastin e Shkodrës, meqë Berishës i dhemb shumë Shkodra, e ka ruajtur si kala. Komisionerët e partisë së Lulzim Bashës i ka gjetur Partia Socialiste, se as komisioner nuk kishin. Ata kërkojnë përgjigjen brenda llojit, mos të vijnë ta kërkojnë te unë, as te PSD”, tha Tom Doshi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje