.png)
Ndryshime të rëndësishme edhe në futbollin anglez. Premier League u bashkohet katër kampionateve të tjerë më të fortë të Europës sa i takon teknologjisë. Duke filluar nga sezoni 2019/2020, VAR-i do të aplikohet zyrtarisht edhe në kampionatin anglez, ashtu si në Spanjë, Itali, Gjermani dheFrancë. Njoftimi është dhënë nga Federata Angleze e Futbollit nëpërmjet faqes së saj zyrtare në Tuiter. Deri tani, në Angli teknologjia ishte testuar me shumë sukses në dy kompeticione të tjera, FA Cup dhe Carabao Cup, por jo në kampionat. Nga sezoni e ardhshëm, të pesta ligat kryesore në Europë do të përdorin sistemin “Video Assistant Referee”.
“Klubet e Premier League kanë rënë dakord për futjen e teknologjisë në kampionat, duke filluar nga sezoni i ardhshëm 2019/20 – shkruhet në njoftimin zyrtar. – Në asamble klubeve u është dhënë një material në lidhje me provat e VAR-it. Udhëzimet kryesore për përdorimin e VAR-it në FA Cup dhe Carabao Cup, si dhe në kampionate të tjera të gjithë botës, janë diskutuar në çdo detaj. Programi testues, por jo direkt në ndeshje, do të shihet gjatë gjithë pjesës së mbetur të këtij sezoni, veçanërisht të shtunave pasdite, kur luhen shumë ndeshje njëkohësisht. Do të ketë një protokoll të qartë për komunikimin e vendimeve të VAR-it për tifozët”.
Tani Liga në Angli do të bëjë një kërkesë zyrtare në këshillin ndërkombëtar dhe në FIFA për përdorimin e VAR-it sezonin e ardhshëm. “Dorëzohet” kështu edhe Anglia për përdorimin e teknologjisë në futboll, që me sa duket, është e domosdoshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje