.png)
Kryeministri Edi Rama priti në Tiranë në ambientet e Vilës 30, liderët e rajonit dhe komisionerin e BE-së për Zgjerimin dhe Fqinjësinë e Mirë, Oliver Varhelyi, në kuadër të përgatitjeve për Samitin e Procesit të Berlinit.
Në takim ishte edhe Ilir Beqaj, drejtues në Agjencinë Shtetërore të Programit Strategjik dhe Koordinimit të Ndihmës.
Në takim mungoi kryeministri i Kosovës, Albin Kurti.
Më herët ai njoftoi se ndodhet në Greqi për edicionin e 25-të të Simpoziumit Ndërkombëtar.
Kjo u konfirmua edhe nga zëdhënësi i qeverisë së Kosovës Përparim Kryeziu.
Në takim morën pjesë Kryeministri i Malit të Zi Dritan Abazoviç, kryeministri i RMV Dimitar Kovaçevski, dhe ajo e Serbisë Ana Brnabiç.
Pas takimit të zhvilluar Rama përcolli njoftim të shkurtër në Faceboook.
“Sot pas takimit informal mbi Planin e Ri të mbështetjes financiare dhe ekonomike të BE-së për Ballkanin Perëndimor, me Komisionerin e Bashkimit Europian për Zgjerimin dhe Fqinjësinë, Olivér Várhelyi🇪🇺Kryeministrin e Republikës së Malit të Zi, Dritan Abazović🇲🇪 Kryeministrin e Maqedonisë së Veriut, Dimitar Kovačevski🇲🇰 dhe Kryeministren e Republikës së Serbisë, Ana Brnabić”, shkruan Rama.
Në foton e përbashkët nuk është Kryetarja e Këshillit të Ministrave e Bosnje dhe Hercegovinës, Borjana Kristo, që fillimisht u raportua nga mediat se ishte edhe ajo në takim
Takimi i te henes ishte paralajmëruar nga Edi Rama në turin Ballkanik të zhvilluar pak ditë më parë, ndërsa në Samitin e NATO-n në Lituani Rama konfirmoi edhe një vizitë të Presidentit francez Emanuel Macron.
Më 6 dhjetor 2022 në Tiranë u mbajt samiti i Ballkanit Perëndimor dhe Bashkimit Evropian. Takimi radhës do të mbahet në tetor po në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje