.png)
Sot skadoi afati për Presidentin e Republikës Bajram Begaj për të dekretuar tre ligjet e shumë debatuara, atë të legalizimit të Kanabisit, trajtimin special të studentëve të Fakultetit të Mjekësisë dhe ligjin për Akademinë e Shkencave. Orari zyrtar ka përfunduar dhe duket se kreu i shtetit zgjodhi që të flasë me heshtje, duke mos i dekretuar, por këto 3 ligje hyjnë në fuqi.
Këto tre nisma të miratuara në 20 korrik në parlament kanë krijuar shumë debate mes palëve ku opozita ka akuzuar maxhorancën se cenojnë parimet kushtetuese.
Vetë kreu i shtetit duket se ka marrë kohën maksimale që përcakton Kushtetuta për të shqyrtuar dekretimin apo jo të 3 ligjeve dhe në fund zgjodhi heshtjen.
Begaj priti ditë më parë edhe studentët e Mjekësisë që e kundërshtonin ligjin që i detyron të punojnë 5 vite në Shqipëri pas studimeve. Po ashtu edhe disa deputetë të opozitës i kanë dërguar letra për të mos e dekretuar ligjin për Akademinë e Shkencave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje