.png)
Kuvendi votoi të enjten shkarkimin e Delina Ibrahimajt si ministre e Financave dhe emërimin në vend të saj të Ervin Metes.
Votimi nuk pati surpriza, por para votave, Gazment Bardhi deklaroi se dekreti i Presidentit për Meten ishte antikushtetues.
“Në kundërshtim flagrant me nenin 103, presidenti ka dekretuar ministër një zyrtar publik që nuk mund të emërohej sepse ushtronte një funksion tjetër publik. Shkarkimi i Metes (si kryetar i AMF) është bërë në seancën e të hënës, pasi presidenti e kishte dekretuar si ministër. Ka sjellë një dekret në kundërshtim flagrant me Kushtetutën. Ka bërë dekretim pa kryer verifikim formal nga anëtari i Këshillit të Ministrave”, tha Bardhi.
Seancën e kaluar parlamentare, Kuvendi miratoi dekretet e ministrave të rinj, ndërsa shtyu për të enjten votimin për Meten me argumentin se ende mbante një tjetër funksion publik atë të kryetarit të AMF-së.
Mete u shkarkua të hënën nga Kuvendi si kryetar i AMF për t’i hapur më pas rrugën emërimit të tij në krye të Financave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje