.png)
Lulzim Basha nuk ka kandidat për zgjedhjet në Kukës, megjithatë ai ankimoi vendimin e KQZ dhe me pas KAS që të ketë dy anëtarë të KZAZ-së në zgjedhjet për bashkinë e Kukësit.
Kolegji Zgjedhor ia ka pranuar kërkesën duke e cilësuar si forcën më të madhe opozitare në vend, e dalë nga zgjedhjet vendore të 14 majit, proces ku partia e drejtuar nga Basha u katandis në pak vota më shumë se partia e Tom Doshit dhe u rendit e treta pas PS-së dhe koalicionit ‘Bashkë Fitojmë”.
Dega e PD-së, Kukës e drejtuar nga Basha deklaroi se nuk do të përfaqësohet me kandidat në zgjedhjet për bashkinë e Kukësit, madje do të qëndronte pasive në fushatë, me argumentin se do të fokusohej tek organizimi i strukturës së kësaj dege.
Por ndryshe nga pasiviteti në bazë, Basha është treguar aktiv në qendër, duke kërkuar ndikim dhe përfaqësim në KZAZ-në e Kukësit edhe pse aty të paktën zyrtarisht thotë se nuk merr pjesë.
PD zyrtare do të ketë 2 anëtarë në KZAZ për zgjedhjet lokale në Kukës, ndërsa 1 anëtar Partia e Lirisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje