.png)
Kryetari i Parisë së Lirisë, Ilir Meta në një deklaratë për mediat ka folur për marrëveshjen e lidhur mes Shqipërisë dhe Italisë për pensionet, duke u cilësuar si një arritje të vonuar.
Sipas Metës, kjo marrëveshje “nxjerr zbuluar hipokrizinë e qeverisë shqiptare” për marrë suksesin për arritjen e kësaj marrëveshjeje, ndërkohë që ka 15 vite që negociohet.
Ndër të tjera, kreu i PL u shpreh se Qeveria e Shqipërisë po mban një standard të dyfishtë, pasi ka përjashtuar nga skema e pensionit dhe përfitimit të gjithë ata qytetarë që jetojnë në Shqipëri dhe që kanë kontribuar më pak se 15 vite pune, ndërkohë që njeh kontributet nën 15 vjet në rastin e marrëveshjeve me shtetet e tjera.
Nisur nga ky pretendim, Meta theksoi se Partia e Lirisë do të propozojë një iniciativë ligjore për ndryshimin e skemës së sigurimeve shoqërore.
“Për t’i dhënë fund kësaj padrejtësie Partia e Lirisë do të propozojë një iniciativë ligjore për ndryshimin e skemës së sigurimeve shoqërore për t’u mundësuar të gjithë atyre personave të cilët nuk i kanë plotësuar vitet e nevojshme të punës sipas ligjit, të përfitojnë pension të pjesshëm të pleqërisë, pavarësisht se kanë më pak se 15 vite gjithsej pune”, u shpreh ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje