.png)
Sulmuesi i PSG-së, Neymar, ka shënuar një gol shumë të rëndësishëm në ndeshjen ndaj Liverpulit në Champions League. Ai realizoi golin e dytë për skuadrën e tij në minutën e 37-të, ndërsa më parë kishte shënuar golin e avantazhit Bernat. Një gol me vlera në fitoren 2-1 ndaj anglezëve, që i ka ngjitur francezët në vend të dytë. Kualifikimi tashmë është shumë pranë për PSG-në.
Por goli ndaj Liverpulit ishte shumë i rëndësishëm edhe në aspektin personal për Neymar, i cili ka hyrë në historinë e Championsit, duke u bërë braziliani që ka shënuar më shumë gola në këtë kompeticion. Sulmuesi i PSG-së ka parakaluar ish-milanistin Kaka. Neymar është ngjitur në kuotën e 31 golave në Championas League dhe në këtë llogari përjashtohen ndeshjet paraeliminatore. Bëhet fjalë vetëm për ndeshjet në grup dhe fazën finale.
Kaka ka shënuar 30 gola, shumicën me fanellën e Milanit. Vendin e tretë në këtë klasifikim e mban Rivaldo, një tjetër ish-milanist, që ka shënuar 27 gola në kompeticionin madhor për klube. Për ta kaluar tamam Kaka, Neymar duhet të fitojë edhe “Topin e artë”, që Rikardo e ka fituar në vitin 2007, kur fitoi Championsin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje