.png)
Liverpuli i komplikoi pozitat në Champions pas humbjes me PSG-në. Tani i duhet të mundë Napolin për të kaluar grupin, por drejtuesit e klubit anglez kanë shumë pakënaqësi për sjelljen e lojtarëve të PSG-së në fushë. Në pjesën e dytë u luajt shumë pak futboll, sepse loja ndërpritej shumë shpesh nga faullet ndaj Neymar me shokë.
Pas ndeshjes, trajneri Jurgen Klop shpërtheu në kritika, duke i akuzuar lojtarët kundërshtare për abuzimin me këtë lloj sjelljeje. “Nuk dua të them se PSG nuk e meritoi, por… Neymar u tregua inteligjent. Merrte faulle për të ulur ritmin tonë, u tregua shumë dinak. Shumë lojtarë binin në fushë dhe bënin sikur kishin pësuar një dëmtim të tmerrshëm. Binin sikur ishin të vdekur dhe më pas ngriheshin. Në pjesën e dytë u ndërpre loja 500 mijë herë dhe arbitri mendon se e ka bërë mirë punën e tij. Mund t’i ndëshkonte. Nëse një lojtar rrëzohet në fushë pa asnjë arsye, është sjellje antisportive”, – tha mes të tjerash trajneri Klop.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje