.png)
Pas vendimit të qeverisë shqiptare për dëbimin e ambasadorit të Iranit si dhe të një zyrtari tjetër, pasi po kryenin veprime të papajtueshme me statusin e tyre diplomatik vjen një reagim edhe nga PD-së.
“Në emër të Partisë Demokratike dhe opozitës shqiptare, shpreh mbështetjen për shpalljen “non grata” dhe dëbimin e diplomatëve iranianë, me veprimtari në cenim të “statusit të diplomatit” dhe që vë në rrezik Sigurinë Kombëtare”, thuhet në deklaratën e Kryetari Lulzim Basha.
Më tej, opozita kërkon bashkëpunim të sinqertë me aleatët, pasi kjo është e vetmja mënyrë për të parandaluar aktivitete të tilla.
“Partia Demokratike kërkon prej strukturave shtetërore të Sigurisë Kombëtare, përkushtim të qëndrueshëm dhe bashkëpunim të sinqertë e pa zvarritje me aleatët strategjikë si e vetmja garanci për parandalimin dhe neutralizimin e aktiviteteve të tilla në territorin e RSH.
Lufta kundër terrorizmit si formë e krimit të organizuar ndërkombëtar, komprometohet kur ngjashëm nuk zhvillohet luftë pa kompromise ndaj krimit të organizuar brenda vendit.
Çdo bashkëjetesë shtetërore me krimin e organizuar është komprometim i luftës ndaj terrorizmit”, përfundon deklarata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje