.png)
Një krim në familje ka tronditur mbrëmjen e sotme në qytetin e Ballshit. Duhet të ishte një darkë festive me rastin e ndërrimit të viteve, po ka përfunduar në një tragjedi. 34-vjeçari Gazmend Musta ka qëlluar për vdekje në sy të fëmijëve të mitur, gruan dhe kunatën 18-vjeçare, pas një grindjeje për shkaqe banale.
Sipas policisë, autori i vrasjes së dyfishtë Gazmend Musta, 34 vjeç ka qëlluar me thikë gruan dhe motrën e saj, të cilat për shkak të plagëve kanë ndërruar jetë në vend.
Sipas të dhënave të para, çifti Gazment dhe Gentiana Musta, kanë debatuar pasi kjo e fundit kishte kërkuar të shkonte te familja e prindërve për festë.
Në debat e sipër, Gazmenti, i cili ishte edhe nën ndikimin e alkoolit, mori thikën dhe qëlloi për vdekje si bashkëshorten, ashtu edhe motrën e saj.
Policia mbërriti menjëherë në vendngjarje, ku arrestoi autorin e krimit të dyfishtë, ndërsa dy viktimat u gjetën pa shenja jete. Çifti Musta kishin edhe dy fëmijë të mitur, përkatësisht të moshës 7 dhe 3 vjeç.
Grupi hetimor po punon për zbardhjen e plotë të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje