.png)
Eduard Rroca dhe Vasil Shkurtaj janë zyrtarisht lojtarë të Kukësit. Ata janë prezantuar nga presidenti i skuadrës veriore, Safet Gjici, i cili ka folur me suiperlativa për të dy. Kreu i klubit kuksian ka shpenzuar jo pak për t’ia marrë këta dy lojtarë Luftëtarit. Rreth 80 mijë euro kanë përfituar gjirokastritët nga shitja e Rrocës dhe Shkurtajt, dy nga titullarët më të rëndësishëm të tyre.
Gjatë prezantimit, presidenti i Kukësit, Safet Gjici, theksoi se tashmë ai e ka bërë detyrën e tij dhe i takon trajnerit Armando Cungu dhe stafit të tij ta çojnë ekipin drejt titullit kampion. “Kemi marrë dy futbollistë që e njohin shumë mirë kampionatin shqiptar, janë dy nga më të mirët e Superiores dhe për trajnerin nuk ka më justifikime. Shkurtaj është një sulmues i rrallë për kampionatin tonë. Ne e kemi bërë detyrën tonë, çfarë ka kërkuar trajneri e kemi marrë në ekip”, – ishte mesazhi i presidentit Gjici për trajnerin Cungu.
Nga Kukësi ndërkohë ka pasur edhe disa largime nga kontigjenti i dy fazave të para. I fundit që largohet është mesfushori Donjet Shkodra, i cili nuk gjeti akordin për vazhdimin e bashkëpunimit me drejtuesit kuksianë. Pak ditë më parë nga Kukësi u larguan edhe kroati Dino Shpehar dhe pogradecari Vangjel Zguro.
Kukësi do të shkojë në Turqi për fazën përgatitore. Në këtë vend skuadra e trajnerit Armando Cungu do të luajë edhe dy ndeshje miqësore me kundërshtarë të njohur euriopianë, siç janë Bashakshehiri, që kryeson kampionatin në Turqi, dhe Rostovi, një skuadër e njohur ruse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje