.png)
Deputeti i Partisë Demokratike, Gent Strazimiri, në një dalje të fundit për mediet, ka akuzuar kryeprokuroren Arta Marku se ka vepruar në kundërshtim me ligjin për zgjedhjen e Bujar Shehit në Këshillin e Lartë të Prokurorisë. Strazimiri mbante në duar dokumente, që provojnë se Sheshi ka qenë i rekrutuar nga ish-Sigurimi i Shtetit.
“Në Këshillin e Lartë të Prokurorisë ka ndodhur ajo që PD ka paralajmëruar kohë më parë. Vetingu ka mbajtur në sistemin e drejtësisë gjyqtarë dhe prokurorë në kundërshtim me ligjin, të cilët i shërbejnë Edi Ramës për të mbajtur nën kontroll organet e reja të drejtësisë. Prova më flagrante është emërimi në Këshillin e Lartë të Prokurorisë i prokurorit të krimeve të rënda, Bujar Sheshi”, tha Strazimiri.
Dokumenti që vërteton bashkëpunimin e Bujar Sheshit me ish-Sigurimin e Shtetit 
“Ka dokumente zyrtare, që tregojnë se ai është bashkëpunëtor i Sigurimit të Shtetit dhe procedura e emërimit të tij duhej të ishte ndërprerë. Ligji është shumë i qartë dhe ai ndalohet të bëhet pjesë e organeve të reja të drejtësisë. Po pse për sigurimsin Bujar Sheshi vija e kuqe nuk ka funksionuar? Si ka mundësi që ai aplikoi dhe u emërua me shpejtësi, pa u bërë verifikimi i figurës së tij, sipas ligjit? Bujar Sheshi nuk duhej të ishte anëtar i KLP, por Arta Marku e kualifikoi në kundërshtim me ligjin, që qeveria dhe ajo vetë ta shantazhojnë për ta mbajtur nën kontroll”, tha Strazimiri nga foltorja e selisë së Partisë Demokratike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje