.png)
Zoran Zaev dhe Alexis Tsipras mund të hyjnë në histori si liderët e parë nga Ballkani që fitojnë Çmimin Nobel për Paqen. Si shpërblim për arritjen e një marrëveshje historike midis Greqisë dhe Maqedonisë, dy kryeministrat janë nominuar nga Parlamenti Europian për Nobelin e Paqes.
Udhëheqësit e tre grupeve parlamentare Socialistët dhe Demokratët (S & D), të gjelbërit dhe të Majtët Bashkuar e Bashkuar (GUE-NGL) kanë nominuar Tsipras dhe Zaev.
Europarlamentarët Udo Bullman , Ska Keller dhe Gabbi Zimmer theksuan në një deklaratë të përbashkët se marrëveshja i dha fund një mosmarrëveshje të gjatë dhe kontribuon në të gjithë stabilitetin e rajonit të Ballkanit Perëndimor.
Sipas tyre, Marrëveshja është “një model për zgjidhjen paqësore të mosmarrëveshjeve ndërkombëtare përmes dialogut dhe kompromis të dyanshëm”. Ata theksuan guximin politik të Tsipras dhe Zaev në këmbënguljen e tyre për dialog, pavarësisht kundërshtimit të nacionalistëve në të dyja vendet fqinje.
Europarlamentarët nuk janë të vetmit që mendojnë se dy kryeministrat duhet të nderohen me çmimin Nobel për Paqen, pasi fituesja e këtij çmimi prestigjioz për vitit 2015, ekonomistja tuniziane Uided Bushamaui, ka dhënë po ashtu emrat e tyre si kandidatë.
“Unë e shoh Marrëveshjen e Prespës, në të cilën të dyja palët kanë investuar kaq shumë energji, si një proces jashtëzakonisht të rëndësishëm që meriton të nominohet për Nobelin për Paqen”, tha Bushamaui disa javë më parë.
Viktor Nummellin, korrespondent i posaçëm i agjencisë së lajmeve “TT” për Çmimet Nobel, i tha agjencisë greke ANA një muaj më parë, se të dy liderët ishin “përmendur disa herë” për çmimin, edhe pse ishte e vështirë të konfirmohej se nga kush janë emëruar për shkak të sekretit të procedurës.
“Çdo vit ka shumë spekulime dhe diskutime se kush do të marrë Çmimin e Paqes dhe se çfarë fushe do t’i kushtohej vëmendje. Këtë vit ata po flasin shumë për Gadishullin Korean dhe situatën midis Greqisë dhe Maqedonisë”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje