.png)
Një grua kërcënoi sot se do të hidhej nga ballkoni i katit të tetë të një pallati në Tiranë.
Ngjarja ndodhi në zonën e 9-katësheve në kryeqytet, pasi gruaja kundërshtoi ekzekutimin e vendimit nga Përmbarimi që kërkon t’i marrë shtëpinë. Ajo kërcënoi për më shumë se tre orë me vetëflijim, ndërsa pas negocimit të policisë me Përmbarimin për të zgjatur afatin e ekzekutimit të vendimit me 10 ditë, zonja e shtëpisë ka zbritur.
I biri i saj në një prononcim për mediat theksoi se shkak për këtë ishte bërë vendimi i përmbarimit për t’i nxjerrë nga banesa, për të cilën thotë se çështja është në gjyq.
“Gjithë problemi ka nisur në datë 23 janar, jemi në një proces gjyqësor me Credins Bank, në datë 28 jemi njohur nga përmbarimi, që duhet të lirojmë banesën. Bëmë ankimim, ndërkohë që ai (përmbaruesi) erdhi dhe godiste derën me shkelma, na terrorizoi”, është shprehur i biri i gruas që kërcënon me vetëflijim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje