.png)
Me rastin e 1 Majit, Ditës së Punëtorëve, Presidenti Ilir Meta akuzon Qeverinë se përmes propagandës po u ofron shqiptarëve dhe punëtorëve një realitet që nuk ekziston.
“Propaganda e të ushqyerit me lugën bosh dhe e suksesit ekonomik me video 3D na rendit sot të dytëve pas Gjermanisë, por është fakt se shumë mjekë, infermierë dhe specialistë po zhvendosen në Gjermani dhe në vende të tjera të BE për një jetë më të mirë”, shkruan ai.
Meta kërkon një reflektim për gjendjen në të cilën ndodhet kjo kategori, duke u ndalur që nga niveli i pagës, kushteve të punës dhe largimi i punonjësve të kualifikuar.
“Kjo situatë duhet të shërbejë për një reflektim të thellë dhe kur niveli i popullsisë që jetojnë me 5.5 USD/ditë është rritur me 41.5%, është koha të veprojmë të gjithë së bashku për të dëgjuar zërin e punëtorëve, duke rritur mirëqenien dhe drejtësinë sociale të munguar”, shkruan Presidenti.
Meta thotë se tërmeti dhe pandemia mbyllën me mijëra vende pune, duke dëmtuar rëndë mirëqënien e familjeve të punëtorëve të thjeshtë dhe duke thelluar ndjeshëm mjerimin në shoqëri e dëmtuar zhvillimin e qëndrueshëm të vendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje