.png)
Këshilli Kombëtar i Partisë Demokratike shkarkoi me shumicë dërrmuese të votave kryetarin e tij, Edi Paloka, pesë anëtarë të Kryesisë dhe katër sekretarët që iu bashkuan Kuvendit të Sali Berishës ditën e shtunë.
Nga numri total prej 478 anëtarësh, në mbledhjen e jashtëzakonshme të thirrur nga Lulzim Basha morën pjesë 257 anëtarë. Nga këta, sipas PD, 251 votuan pro shkarkimit, 4 votuan kundër dhe dy fletë ishin të pavlefshme.
Lista e të shkarkuarve nis me kryetarin e Këshillit Kombëtar, Edi Paloka vazhdon me anëtarët e Kryesisë, Flamur Noka, Aldo Bumçi, Gent Strazimiri, Albana Vokshi e Oerd Bylykbashi dhe mbyllet me emrat e katër sekretarëve, Ervin Minarolli, Ivi Kaso, Belind Këlliçi dhe Ledina Mandia.
Sipas Sekretarit të Përgjithshëm të Partisë Demokratike, Gazment Bardhi, Bardhit ata nuk njohin më kryetarin, sekretarin, nënkryetarët, kryesinë dhe as vetë Këshillin Kombëtar. Ai e quajti celulë ilegale.
“Përveç kësaj kjo është një trupë që sillet si celulë ilegale që kërkon t’i mbivendoset institucioneve legjitime të partisë. Për këtë arsye, ata mund të bëjnë çfarë të duan jashtë institucioneve të partisë, por nuk mund të veprojnë si anëtarë të kryesisë qendrore të PD”, tha ai.
Bardhi tha se Këshilli nuk përjashton asnjë prej emrave të propozuar nga Kryesia, por vetëm shkarkimin e atyre që mbështetën Sali Berishën në Kuvendin e thirrur prej tij.
“Nuk merret asnjë vendim për përjashtim, por për shkarkim nga funksionet. Disa anëtarë të Kryesisë nuk kanë respektuar vendimin e kryesisë së Partisë për thirrjen në datën 18 të Kuvendit Kombëtar. Përkundrazi! Janë angazhuar për ngritjen e strukturave paralele për të zëvendësuar institucionet e logjikshme statutore të PD”, tha Bardhi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje