.png)
Xhenoa-Torino, e programuar për t’u luajtur të shtunën, është shtyrë zyrtarisht. Pas dy ditësh reflektimi, ka ardhur edhe vendimi nga këshilli i jashtëzakonshëm i Ligës në Itali. Nuk mund të vendosej ndryshe, duke ditur se 15 pjesëtarë të Xhenoas kanë rezultuar pozitivë në testet anti-Covid-19 pas ndeshjes me Napolin.
Katër pjesëtarë të stafit dhe 11 lojtarë, i fundit Valon Behrami, janë infektuar nga Koronavirusi, kështu që ishte e natyrshme që ndeshja e radhës për Xhenoan të shtyhej, edhe pse protokolli në Itali nuk parashikon një limit të caktuar lojtarësh për anulimin e një sfide.
Duhet qartësuar se në të ardhmen do të merret për bazë norma e UEFA-s, që do të thotë se në raste analoge ndeshjet do të luhen. Sipas normës së UEFA-s, ndeshja do të luhet, nëse skuadra ka 13 lojtarë të disponueshëm mes tyre edhe një portier. Për momentin, nuk ka një datë për zhvillimin e ndeshjes Xhenoa-Torino. Për lojtarët e Xhenoas është kërkuar edhe një tjetër tampon para se të ata të stërviten.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje