.png)
Një ngjarje e rëndë ka ndodhur mëngjesin e kësaj të enjteje në Elbasan, ku ka humbur jetën një 40-vjeçar si pasojë e një konflikti. Ngjarja ka ndodhur në një lokal në afërsi të qendrës së qytetit, rreth orës 05:00 të mëngjesit në lagjen “Luigj Gurakuqi”.
Në sherr janë përfshirë tre persona, të cilët ishin miq me njëri-tjetrin.
Mësohet se ata kishin pirë alkool tërë natën me njëri-tjetrin dhe në rrethana ende të paqarta ata kanë nisur të konfliktohen me sende të forta e shishe teksa kanë qenë të gjithë nën ndikimin e alkoolit.
Njëri prej tyre, 40-vjeçari Florian Lamcja ëstë qëlluar me sende të forta e për pasojë ka ndërruar jetë në spital.
Dy autorët e tjerë të përfshirë në ngjarje, Adriano Hajdari dhe Sokol Sanxhaktari, u lënduan lehtë.
Sokol Sanxhaktari është dhëndri i Qazim Sejdinit, ish-kryetarit të bashkisë së Elbasanit.
Ata aktualisht ndodhen në komisariatin e Elbasanit, ndërsa ka qenë e pamundur marrja e dëshmisë së tyre, pasi ende nuk iu kishte dalë pija.
Florian Lamçja ishte person me precedent të mëparshëm penal dhe është i dyshuar për disa vrasje me pagesë. Ndërkohë dhe dy autorët e tjerë janë emra të njohur për policinë e Elbasanit, pasi janë përfolur për disa ngjarje kriminale.
Grupi hetimor vijon punën për zbardhjen dhe dokumentimin e plotë të ngjarjes.
Ndërkohë, mbrëmjen e kaluar po në qytetin e Elbasanit u vra 23-vjeçari Regis Runaj.
Një vrasje me thikë është regjistruar edhe në Shijak, ku një person është vrarë dhe një tjetër është plagosur. Ngjarja ka ndodhur rreth orës 23:05, në Xhafzotaj të Shijakut.
Sipas policisë, dy vëllezërit Fiqiri e Fadil Çalliku, 65 dhe 63 vjeç, të cilët ishin në tokën e tyre dyshohet se pas një konflikti të çastit me 1 person janë dëmtuar me mjet prerës, (thikë).
Mësohet se 65-vjeçari, si pasojë e plagëve të marra ka ndërruar jetë në Spitalin Rajonal Durrës.
Të dy vëllezërit kishin shkuar të plagosur në spital, e për pasojë Fiqiri Çalliku ndërroi jetë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje