.png)
Rreth 3000 fermerë kanë dalë sot në protestë kundër skemës së TVSH-së që u ka bllokuar grumbullimin e qumështit.
Protestuesit kanë dalë në rrugë pranë Rotondos në qytetin e Lushnjës. Ata kanë bllokuar rrugën nga Rotondo e Savres deri te Rotondo e Plastmasit.
Fermerët e revoltuar akuzojnë qeverinë për falimentimin e tyre. Në vendngjarje ka edhe forca të shumta policore, të cilat kane tentuar të largojnë protestuesit e shumtë nga rruga. Prej disa ditësh grumbulluesit e qumështit kanë bojkotuar mbledhjen duke çuar në falimentim fermerët, ndërkohë që në protestë janë bashkuar edhe fermerët e produkteve të tjera të Lushnjës dhe zonave përreth. “Kërkojmë uljen e TVSH për qumështin. Kemi marre kredi, ndërsa prodhimet detyrohemi t’i hedhim në plehra”, shprehen fermerët.
Kjo nuk është protesta e parë, pasi edhe disa ditë më parë këta fermerë dolën në rrugë dhe në shenjë proteste derdhën qumështin në rrugë duke i bërë thirrje qeverisë të tërhiqet nga ky vendim.
Në një deklaratë të sajën “Albanian Food Industry” thotë se këto akte demostruese vijnë si mbështetje e prodhuesve bujqësorë, kundër uljes së kompensimit të TVSH-së për fermerin, nga 20 – 6 përqind, pasi këto ndryshime ligjore do të shkaktojnë dëmtim të prodhimit vendës, duke favorizuar importet, rritur informalitetin, si dhe cenuar sigurinë ushqimore.
Po ashtu sqaron se kauza e fermerëve, grumbulluesve dhe agropërpunuesve është qartësisht ekonomike dhe nuk ka asnjë lidhje me politikën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje