.png)
Kryedemokrati Lulzim Basha, në fjalën e tij të mbajtur gjatë ceremonisë së organizuar në selinë blu për 31-vjetorin e krijimit të PD-së, bëri thirrje përbashkuese për të djathtët.
Basha u shpreh se kjo ditëlindje i gjen demokratët të thyer pasi sipas tij ish-kryeministri Berisha vendosi interesin personal mbi interesat e demokratëve. Ai ftoi të gjithë ata që kanë gabuar, por që kanë qëllime të pastra t’i bashkohen PD-së.
“Le të mos lejojmë ditën e lindjes së Partisë Demokratike, që mishëron idealin e demokracisë, që kundërshtarët e demokracisë, dishpeujt e autokracisë, oligarkia dhe krimi i organizuar të gëzojnë se demokratët janë përçarë. 11 Dhjetori i sotëm është një ditëlindje e thyer për shkak të vendosje s së interesit personal të Sali Berishës mbi interesin e demokratëve.
Por jo çdo ditëlindje shkon ashtu, por ne mësojmë dhe shkojmë përpara, mirëpresim për këdo që ka gabuar, por ka qëllimi të pastra. I them atyre që duan ta përçajnë Partinë Demokratike se nuk do ja dalin pasi ne jemi të vendosur ta çojmë këtë forcë politike drejt fitores.
I uroj të gjithë demokratëve të Shqipërisë kudo që janë gëzuar ditën e krijimit të Partisë Demokratike. Zoti i bekoftë demokratët, zoti e bekoftë Partinë Demokratike, Zoti e bekoftë Shqipërinë”, tha Basha.
Më rastin e 31 vjetorit të themelimit, në oborrin e selisë së partisë është vendosur edhe një memorial që mban firmat e firmëtarëve të themelimit të Partisë Demokratike.
Pas ceremonisë, në hollin e selisë së Partisë Demokratike është zhvilluar edhe një ceremoni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje