.png)
Skena politike e Kosovës pritet të tronditet ditën e sotme, pas votimit të mocionit për rrëzimin e qeverisë. Ndërkohë që Lidhja Demokratike e Kosovës çon në Kuvend mocionin për rrëzimin e koalicionit qeverisës me Lëvizjen Vetëvendosje, shumë kanë filluar të pyesin se çfarë mund të ndodhë nëse Kosova mbetet në qeveri në këto kohë krize?
Ish- kryetari i Gjykatës Kushtetuese, Enver Hasani ka sqaruar sot se cilat janë hapat kushtetues që duhet të ndiqen nëse kalon mocioni i LDK-së kundër Qeverisë “Kurti”.
Hasani ka theksuar se nëse rrëzohet Qeveria, presidenti Hashim Thaci do t’i kërkojë Lëvizjes Vetëvendosje, si parti që ka dalë e para në zgjedhje, emrin e kandidatit për kryeministër brenda 15 ditësh.
Nëse VV nuk e ka kandidatin tjetër, atëherë brenda 10 ditësh presidenti duhet ta gjejë një kandidat të dytë.
Sipas tij, kandidati i tretë mund të caktohet në bashkëpunim me partitë, dhe duhet të ketë dhe votat e mjaftueshme në Kuvend.
Nëse dështon edhe gjetja e kandidatit tjetër, sipas Hasanit, Kosova vendi shkon në zgjedhje të parakohshme parlamentare.
Sipas tij, për shkuarjen në zgjedhje të përgjithshme duhet të ketë edhe vullnet të partive politike.
Në një intervistë në RTV 21, ai ka theksuar se një opsion pozitiv për situatën emergjente ku ndodhet Kosova do të ishte edhe një qeveri teknike, deri në mbajtjen e zgjedhjeve të reja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje