.png)
“Kamp Nou”, 28 prill 2010, gjysmëfinalja e kthimit në Champions mes Barcelonës dhe Interit. Italianët luajnë me 10 vetë dhe Guardiola thërret Ibrahimoviçin për ta aktivizuar, Mourinjo i shkon afër dhe i pëshpërit në vesh: “Pep, nëse beson se do kualifikohesh, gabohesh”. Me një rezistencë epike, Interi kalon në finale dhe fiton trofeun. Sot në të njëjtin stadium Interi zbret me një tjetër trajner që i bën tifozët zikaltër të ëndërrojnë.
Barcelona dhe Interi përplasen në grupet e Championsit dhe trajneri Antonio Konte e ka shmangur krahasimin. “Ne jemi një skuadër në fillim të një rrugëtimi”, – ka thënë Konte. Interi i tripletës kishte shumë përvojë, kurse sot është ndryshe. Sensi dhe Barela do të “vallëzojnë” për herë të parë në shtëpinë e ëndrrave, janë në fillim të përrallës. Konte ka një skuadër të re dhe kurajoze, te Barcelona situata nuk është ajo më e mira kohët e fundit. Në dyshim serioz është ylli i katalanasve, Lionel Mesi, për të cilin trajneri Valverde ka pohuar se do të vendosë në minutën e fundit. Në anën tjetër, Interi është pa Lukakun në ndeshjen më të rëndësishme të mbrëmjes së sotme në Champions. Prozhektorët janë drejtuar aty.
De Jong, Suarez, Grizman janë disa nga emrat, me të cilët katalanasit synojnë fitoren e parë në grup, pas barazimit në Dortmund. “Kamp Nou” të tremb edhe kur është bosh, megjithatë ai hap fals ndaj Sllavias së Pragës në Milano e detyron Interin të kërkojë me forcë të paktën barazimin sot në Spanjë. Kampionët në fuqi të Liverpulit kanë një ndeshje të lehtë sot, presin Salcburgun. Napoli luan në fushën e Genkut në orën 19:00, kurse Çelsi në transfertën e Lilës. Janë disa nga sfidat më interesante të mbrëmjes së sotme në Champions, ku luajnë Grupet E, F, G dhe H.
Ndeshjet e sotme në Champions
Genk-Napoli
Sllavia Pragë-B.Dortmund
Barcelona-Inter
Lilë-Çelsi
Liverpul-Salcburg
Lajpcig-Lion
Valencia-Ajaks
Zenit-Benfika
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje