.png)
Vetëm 6 minuta pasi kishte hyrë në fushë si zëvendësues, spanjolli Suso arriti të mposhtë portierin e Spalit dhe Kombëtares së Shqipërisë, Etrit Berisha, duke i dhënë fitoren Milanit, e para për trajnerin e ri, Stefano Pioli. Një pjesë e parë e dobët për kuqezinjtë dhe kontestiemt nga shkallët e stadiumit nuk kanë munguar.
Goli që vendosi ndeshjen Milan-Spal erdhi në minutën e 63-të. Goditje dënimi për kuqezinjtë dhe Suso e kalibron topin, duke e lënë të palëvizur Berishën. Milani ngulmoi për golin e sigurisë, por nuk ia arriti qëllimit. Më parë Teo Hernandezit iu anulua një gol për pozicion jashtë loje. Spali bëri përpjekje maksimale për të barazuar, megjithatë skuadra e Piolit e ruajti fitoren, duke treguar shenja jete. Berisha ishte ndër më të mirët për Spalin dhe u vlerësua me notën 6. Një nga pritjet më të bukura të tij ishte ndaj brazilianit Paketa.
Milani ngjitet në kuotën e 13 pikëve pas kësaj fitoreje, por ende qëndron shumë larg zonës europiane, pasi ka lënë shumë pikë javët e fundit. Spali i Berishës ndodhet në zonën e ftohtë të Serisë A, në vend të parafundit, me vetëm 7 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje