.png)
Tajson Furi është sërish kampion bote i peshave të rënda. Boksieri anglez ka dominuar në ring ndaj amerikanit Deontei Uilder në ndeshjen e zhvilluar në Las Vegas, duke mbrojtur kështu titullin për herë të 11-të. Ai dhuroi spektakël për të pranishmit, pasi dominoi totalisht ndaj kundërshtarit. Furi ishte shumë agresiv dhe nuk i dha asnjë shans amerikanit.
Furi ka qenë i papërmbajtshëm që në fillim të ndeshjes. Ai e ka hedhur dy herë në tapet kundërshtarin para se ta “bombardonte” me grushte në raundin e shtatë, duke e mbyllur në një nga cepat e ringut për ta fituar ndeshjen me “K.O” teknik.
Anglezi i dha një goditje të fortë me të djathtën Uilderit në raundin e tretë. Që në këtë moment amerikani nuk e mori më veten dhe në raundin e pestë e pa veten sërish në tapet, këtë herë nga një e majtë e Furit. Ndeshja e fundit mes këtyre dy boksierëve të peshave të rënda ishte zhvilluar në dhjetor të 2018-ës dhe përfundoi në barazim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje