.png)
Ndeshjet e fazës së 1/8-ve të Ligës së Europës nuk u pezulluan, me përjashtim të Inter-Getafe dhe Sevilja-Roma. Ndër skuadrat e para që zbritën në fushë ishte edhe Bazeli i Taulant Xhakës, që ka tronditur Eintraht Frankfurtin në Gjermani, duke fituar me rezultatin e pastër 0-3 dhe duke hedhur një hap të sigurt drejt çerekfinaleve. Mesfushori kuqezi ishte në fushë 90 minuta, pasi përvoja e tij i shërben Bazelit në të tilla ndeshje të rëndësishme. Kampo, Bua dhe Frei realizuan golat e Bazelit.
Ka fituar bindshëm në transfertën austriake të Laskut Mançester Junajtid, 0-5. Kalimi në turin tjetër është një formalitet tashmë për “Djajtë e kuq”. Skuadra e trajnerit Solskjaer nuk e vuti asnjëherë në dyshim fitoren. Bashakshehiri është skuadra e vetme vendëse që ka fituar në ndeshjet e para të këtij turi. Turqit mundën 1-0 Kopenhagenin.
Futbollisti tjetër kuqezi që luan në Ligën e Europës, sulmuesi i Gllasgou Rejnxhërs Florian Kamberi, u mund 1-3 në Skoci nga Bajer Leevrkusen. Kamberi u fut në fushë në minutën e 54-t, por nuk mundi të bënte asgjë për të shmangur humbjen e skuadrës së tij. Olimpiakosi barazoi 1-1 në Greqi me Volverhemptonin, edhe pse luajti për shumë minuta me 10 lojtarë. Volfsburgu u mund në shtëpi nga Shakhtar Donjtesk me rezultatin 1-2.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje