.png)
Për nesër është parashikuar një videokonferencë nga UEFA, që do të konsultohet me të gjitha federatat e saj për spostimin e mundshëm të Europianit 2020, i parashikuar të zhvillohet në korrik. Për momentin ka shumë dyshime për kohën e zhvillimit të Euro 2020, sepse gjithçka është e lidhur me kohëzgjatjen e pandemisë së Koronavirusit.
Në fakt, thuajse të gjitha federatat janë dakord për shtyrjen e Europianit në verën e vitit 2021, në mënyrë që të shpëtojnë kampionatet. Edhe Ligat e shumë vendeve janë në të njëjtin mendim. Kampionatet europiane mund të shtyhen ndoshta deri në fund të korrikut, duke pasur parasysh situatën aktuale, çka e bën të pamundur zhvillimin e Europianit në kohë. Gjasat janë të mëdha që Europiani të zhvillohet vitin e ardhshëm, edhe pse vendimi zyrtar do të merret nesër.
Së fundi ka dalë edhe një hipotezë për ta zhvilluar Europianin në muajin nëntor, duke u dhënë kështu mundësi kampionateve kombëtare të përfundojnë. Megjithatë, është vetëm një hipotezë. Federatat janë të interesuara t’i mbyllin kampionatet e tyre në çdo mënyrë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje