.png)
Kanë mbërritur në atdhe përmes portit të Durrësit, gjashtë personat e mbetur në Bari pas mbylljes së kufijve mes dy vendeve.
Gjashtë shqiptarët janë kthyer mëngjesin e sotëm me tragetin e linjës Bari- Durrës, ndërsa shoqëroheshin dhe me rezultatin e testit të tamponit që u është bërë nga autoritetet shëndetësore italiane, ditë më parë, për Covid-19.
Të gjashtë shqiptarët kanë rezultuar negativë. Tanimë ata duhet të qëndrojnë në vetëkarantinim për 14 ditët e ardhshme.
Ndërkohë ka nisur puna për kthimin e të gjithë shqiptarëve që kanë mbetur në Itali pa mundësi kthimi për shkak të mbylljes së kufijve ndërshtetërorë si masë shtrënguese për parandalimin e përhapjes së koronavirusit.
Por, kryeministri Rama është shprehur se nuk mund të ketë lista të hapura, duke kthyer njerëz pafund në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje