.png)
Ndonjë çudi nga Vlora në këtë periudhë pandemie edhe mund të pritej, pavarësisht se me shëndetin nuk bëhet shaka. Një grup futbollistësh vlonjatë kanë pushtuar fushën e “Pyllit të Sodës”, ku kryen stërvitje Flamurtari. Nuk kanë qenë futbollistë të skuadrës së Superiores, por siç raporton “Panorama Sport”, të skuadrës së Labërisë, që merr pjesë në Kategorinë e Tretë këtë edicion.
Një shkelje kjo në periudhë karantine, që është pikasur nga Policia e Vlorës. Fillimisht, drejtues të policisë kanë kontaktuar klubin e Flamurtarit, për të mësuar nëse kishte ndonjë aktivitet në këtë kohë kur kampionatet janë ndërprerë për një afat të pacaktuar. Por Flamurtari, ashtu si gjithë skuadrat e tjera në vend, jo vetëm që nuk stërvitet, por futbollistët janë shpërndarë në familjet e tyre.
Policia ka ndërhyrë pastaj në fushën e Pyllit të Sodës, duke shpërndarë lojtarët e Labërisë. Nga sa është mësuar, lojtarët kanë shfrytëzuar faktin që në atë fushë mund të futesh duke kapërcyer gardhin, pasi dera ka qenë e mbyllur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje