.png)
Liga e Serisë A, gjatë asamblesë që është zhvilluar sot me video-konferencë, ka propozuar rifillimin e kampionatit më 13 qershor, një datë e zgjedhur me votën e shumicës. Por tani pritet edhe miratimi i palëve të tjera, qeverisë italiane dhe federatës.
Duhet mbyllur gjithçka brenda 2 gushtit, për t’u lënë hapësirë Ligës së Kampionëve dhe Ligës së Europës. Nëse vërtet Seria A rinis më 13 qershor, do të kishte mundësi edhe për zhvillimin e gjysmëfinaleve të kthimit dhe finalen e Kupës së Italisë.
Kampionatit italian i kanë mbetur edhe 12 javë pa zhvilluar, përveç disa ndeshjeve të shtyra para se të pezullohej gara. Juventusi kryeson me 1 pikë më shumë se Lacio. Ekipi i Tares dhe Strakoshës është më i interesuari për rifillimin e kampionatit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje