.png)
Policia e Dibrës ka zbuluar një rast të kultivimit të lëndëve narkotike në një pyll pranë fshatit Tomin.
Për ngjarjen është vënë në pranga autori i dyshuar, shtetasi G. SH dhe u shpall në kërkim i biri E. SH, pasi nuk u gjet në banesë.
Policia po ashtu ka arrestuar edhe kryeplakun e fshatit, shtetasin F. K, 52 vjeç, pasi nuk ka informuar autoritetet për kultivimin e bimëve narkotike.
Po gjatë kontrolleve është evidentuar dhe goditur edhe një rast i armëmbajtjes pa leje, duke vënë në pranga shtetasin G. H., 34 vjeç, banues në fshatin Tomin. Gjatë kontrollit në ambientet në administrim të këtij shtetasi, policia ka gjetur dhe sekuestruar në cilësinë e provës materiale një armë zjarri kallashnikov, një armë gjahu çifte dhe një sasi municioni luftarak, të cilat i posedonte pa leje.
Materialet procedurale do t’i kalojnë Prokurorisë së Dibrës, për hetime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje