.png)
Napoli është finalisti i dytë i Kupës së Italisë, pas Juventusit që ishte kualifikuar ndaj Milanit të enjten në mbrëmje. Elseid Hysaj, kapiteni i Kombëtares së Shqipërisë, ishte titullar në barazimin 1-1 në “San Paolo”, që i siguroi skuadrës së tij një “biletë” për në finale, pasi ndeshjen e parë në Milano e kishte fituar 0-1.
Hysaj luajti në krahun e majtë të mbrojtjes në këtë ndeshje, ku trajneri Xhenaro Gatuzo e preferoi para portugezit Mario Rui. Edhe pse emri i futbollistit shqiptar lakohet gjithmonë e më shumë si një nga ata që do të largohen nga Napoli, – disa herë e ka theksuar agjenti i shkodranit se po kërkon një klub të ri, – sërish Hysaj gjen vend në formacionin e trajnerit Gatuzo, madje edhe jashtë rolit të tij natyral.
Kapiteni kuqezi qëndroi 90 minuta në fushë, ishte ndër ata lojtarë që nuk u zëvendësuan, edhe pse paraqitja e tij është vlerësuar poshtë mesatares. Hysaj vuajti thuajse gjatë gjithë ndeshjes përballë Kandrevës dhe specialistët italianë e kanë vlerësuar me notën 5.5 paraqitjen e tij. Gjithsesi, e rëndësishme është që mbrojtësi ka shansin të luajë një finale dhe të fitojë një trofe me Napolin, ndoshta para se të largohet. Kupën e Italisë më parë e kanë fituar edhe lojtarët të tjerë të Kombëtares, Tomas Strakosha dhe Lorik Cana, të dy me fanellën e Lacios.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje