.png)
Policia e Fierit ka vijuar me kontrollet për kultivim të bimëve narkotike dhe ka arrestuar në flagrancë 1 shtetas, ka proceduar penalisht kryeplakun e fshatit dhe inxhinierin e Drejtorisë së Ujitjes dhe Kullimit Fier.
Policia thotë se nga kontrollet e ushtruara në fshatin Grykë, në tokën në administrim të Drejtorisë së Ujitjes dhe Kullimit Fier, u gjetën dhe u sekuestruan fidanë të dyshuar narkotikë canabis sativa.
Si autor i dyshuar i mbjelljes së fidanëve është vënë në pranga shtetasi me inicialet J. G., 35 vjeç, banues në Dërmënas.
Gjithashtu është proceduar penalisht për moskallëzim krimi, kryeplaku i fshati Grykë, shtetasi T. Ç., 58 vjeç, si edhe është proceduar për shpërdorim detyre inxhinieri i Drejtorisë së Ujitjes dhe Kullimit Fier, shtetasi E. K., 37 vjeç, banues në Fier.
Materialet i kaluan Prokurorisë pranë Gjykatës së Shkallës së Parë Fier, për veprat penale “Kultivimi i bimëve narkotike”, “Moskallëzim krimi” dhe “Shpërdorim detyre”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje