.png)
Gjykata e Kurbinit ka dhënë masën e sigurisë “Detyrim paraqitje” për mjekun popullor Frederik Frrokaj, i cili akuzohet për “mashtrim” dhe prodhimin dhe shitjen e lëndëve të rrezikshme për shëndetin.
Po ashtu, gjykata ka liruar nga burgu, edhe nipin e tij, Henri Frrokaj, duke i caktuar masën “detyrim paraqitje”.
Frrokaj bashkë me nipin e tij u arrestuan 2 ditë më parë. 57-vjeçari akuzohet se pasi bënte prodhimin e këtyre medikamenteve në kushte artizanale dhe jashtë kushteve laboratorike, në kushte shtëpie, ia jepte nipit të tij, pasi takonte personat e interesuar dhe ua shiste atyre kundrejt pagesës 20.000 lekë të reja, me premtimin se shëronin COVID-19.
Po ashtu, policia pohon se Frrokaj nëpërmjet rrjetit social ‘Facebook’ bënte thirrje për prodhim të substancave për kurimin e virusit nga një përzierje e acidit klorhidrik me ujë, duke pretenduar se me këtë përzierje kishte shpikur ilaçin për kurimin e këtij virusi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje