.png)
Policia e Lushnjës ka sekuestruar një shumë prej 54 700 euro, si dhe një automjet, në pronësi të një 28-vjeçari nga Laçi, pasi dyshohet se janë përfituar nga aktivitet i kundërligjshëm.
Ndalimi i të riut është bërë gjatë kontrolleve të shtuara të policisë me qëllim goditjen e veprimtarive kriminale, ku në mjetin e tij tip “Audi” është zbuluar shuma e madhe e parave.
Policia thotë se mjeti me drejtues shtetasin Z. Gj., është ndaluar në vendin e quajtur “Rotondo e Plygut”.
28-vjeçatri nga Laçi procedohet penalisht për veprën penale “Pastrimi i produktit të veprës penale ose veprimtarisë kriminale”.
Në cilësinë e provës materiale u sekuestruan shuma e eurove dhe automjeti me të cilën udhëtonte ky shtetas.
Materialet i kaluan Prokurorisë pranë Gjykatës së Shkallës së Parë Lushnjë, për veprën penale “Pastrimi i produktit të veprës penale ose veprimtarisë kriminale”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje