.png)
Brenda 24 orësh, kryeministri, Edi Rama, i ka drejtuar tre herë ftesë opozitës, për të marrë pjesë në Këshillin Politik.
Dy herë e ka bërë vetë, dhe një herë tjetër e ka përcjellë zyrtarisht ftesën përmes Damian Gjiknurit.
Edi Rama e mbylli kapitullin me opozitën parlamentare duke firmosur jo vetëm votat që do të marrë për paktin e 5 qershorit, por edhe për ndryshimet kushtetuese.
Loja është e hapur me opozitën “reale”.
Dhe Rama në këtë trase synon të tërheqë vetëm Lulzim Bashën.
Që me mëngjes, ai përcjell një thënie të famshme të filozofit amerikan, Henry David Thoreau:
“Duhen dy veta që të lindë e vërteta, njëri që ta thotë, tjetri që ta dëgjojë”.
A është ky një mesazh direkt për Lulzim Bashën? Gjasat janë që po.
Deri më tani, PD nuk ka kthyer ende përgjigje nëse do të jetë në mbledhjen e Këshillit Politik.
LSI i ka paraprirë me vrik qëndrimit duke lënë të kuptohet se pjesëmarrja aty është e kotë, ndërsa ambasadorja amerikane Yuri Kim, ka trokitur në derën e Presidenti Ilir Meta, ai që në fakt vijon të qëndrojë në mes të këtij debati dhe zhvillimi politik.
Rama nga ana e tij sa duket po i qartëson gjërat. Për të është vetëm një në lojë…Lulzim Basha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje