.png)
Drita është shpallur kampione e Kosovës. Barazimi 2-2 në sfidën me dy pretendentëve të tjerë, Gjilanit dhe Ballkanit, ka bërë që kjo skuadër të bëhet zyrtarisht kampione. Me 68 pikë në 32 javë kampionat, Drita ka bërë më mirë se skuadrat e tjera, duke regjistruar 21 fitore, 5 barazime dhe 6 humbje. Tashmë ka fituar të drejtën në luajë në Ligën e Kampionëve.
Skuadra e drejtuar nga trajneri shqiptaro-maqedonas Ardijan Nuhiji, fiton titullin e tretë në kampionatin kosovar dhe të dytin brenda tri viteve të fundit. Drita futet kështu në klubin e skuadrave me më shumë tituj në futbollin kosovar, ku nga tre tituj kampion kanë edhe Feronikeli dhe Besa e Pejës. Klubi me më shumë trofe është Prishtina, me 10 tituj.
Në radhët e Dritës luajnë disa lojtarë të njohur edhe në kampionatin shqiptar, siç janë Ardian Cuculi, ish-lojtar i Kukësit dhe Partizanit, Astrit Fasliu, edhe ky i aktivizuar me të kuqtë në Superiore. Sulmuesi Izair Emini dhe portieri Faton Maloku kanë qenë më parë pjesë e Kukësit, ndërkohë që emra të tjera të njohur për tifozët shqiptarë janë Liridon Leci, ish-lojtar i Besës, Kastriot Rexha, ish-lojtar i Vllaznisë dhe Bunjamin Shabani që ka luajtur me Partizanin. Shqiptari i vetëm në radhët e Dritës është mesfushori shkodran, Erjon Vucaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje