.png)
Policia e Kavajës ka arrestuar dy hajdutë, që ishin kthyer në makthin e pronarëve të banesave dhe lokaleve.
Në pranga kanë rënë shtetasit Ll. T., 35 vjeç, banues në Kavajë dhe A. P., 29 vjeç, banues në Kavajë, i dënuar më parë për veprën penale “Vjedhja”.
Këta të rinj janë autorë të disa vjedhjeve, mes të cilave edhe vjedhjen me thyerje të një lokali, prej ku kanë marrë 2 televizorë dhe 1 kompjuter.
“Nga tërësia e veprimeve hetimore të kryera ka rezultuar se këta shtetas janë autorë të vjedhjeve në disa banesa dhe 1 piceri, konkretisht:
Më datë 22.06.2020 kanë vjedhur dy televizorë në picerinë e shtetasit B. Xh.;
Më datë 29.06.2020 kanë vjedhur me thyerje banesën e shtetasit B. Ç., ku kanë marrë një çiklomotor dhe një televizor;
Më datë 14.07.2020 kanë vjedhur një televizor në banesën e shtetasit K. M.;
Më datë 19.07.2020 kanë vjedhur me thyerje banesën e shtetasit O. M., ku kanë marrë disa sende elektroshtëpiake”, thuhet në njoftimin e policisë.
Gjatë kontrollit të mjetit me të cilin këta shtetas qarkullonin dhe kryenin vjedhjet u gjetën dhe u sekuestruan në cilësinë e provës materiale 3 televizorë, 1 kompjuter dhe sendet që dyshohet se këta shtetas i përdornin për të kryer vjedhjet.
Materialet i kaluan Prokurorisë pranë Gjykatës së Shkallës së Parë Kavajë, për veprime të mëtejshme, për veprën penale “Vjedhja” e kryer në bashkëpunim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje