.png)
Arrestohen dy vëllezërit Shera si autorë kryesorë të dyshuar të vrasjes së taksistit Adulla Budlla pasditen e 3 gushtit në Fushë-Prezë.
Në pranga ka rënë Saimir Shera, 32 vjeç dhe Arsil Shera, 20 vjeç, të cilët mësohen se janë të afërm të 71-vjeçarit.
Shkak është bërë një konflikt në fis që ka çuar në ekzekutimin e tij me 7 plumba nga një automjet në lëvizje.
Mjeti “Volkswagen” të cilin përdorën autorët për vrasjen e taksistit është gjetur dhe është sekuestruar nga policia.
Policia njofton se vëllai i madh, Saimir Shera është një person me precedent të mëparshëm penal, i dënuar më herët.
71-vjeçari baba i 3 djemve dhe 1 vajze u ekzekutua pasditen e 3 gushtit në zonën e Fushë-Prezës në aksin që lidhet me Aeroportin e Rinasit. Autorët u kujdesën për të mos lënë asnjë gjurmë në vendin e ngjarjes duke mos lënë asnjë gëzhojë.
Mbi dy vëllezërit Shera rëndojnë akuzat për veprat penale “Vrasja me paramendim” e kryer në bashkëpunim dhe “Armëmbajtja pa leje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje