.png)
Myrto Uzuni, sulmuesi i Kombëtares shqiptare, ishte protagonist në kualifikimin e Ferencvaroshit ndaj kroatëve të Dinamo Zagrebit. Futbollisti beratas u bë “djall”, teksa shënoi në portën e vet pa dashje në zhvillimet e një goditjeje këndi, duke barazuar rezultatin, pasi kapiteni Lovrencsics kishte kaluar më parë hungarezët në avantazh.
Më pas Uzuni i bë “engjëll”, duke shënuar golin e kualifikimit për Ferencvaroshin. Ishte e gjitha merita e tij, që rrëmbeu bukur një top dhe u nis me shpejtësi drejt zonës dhe nuk gaboi në gjuajtje, duke bërë që skuadra e drejtuar nga ukrainasi Sergej Rebrov të kalojë edhe turin e tretë eliminator të Ligës së Kampionëve dhe të shkojë në “Play-off”, ndërkohë që ka siguruara grupet e Ligës së Europës edhe në rast eliminimi.
Pas Selltikut, skuadra e Uzunit nxjerr jashtë loje edhe Dinamon e Zagrebit, duke bërë surprizën. Është eliminuar ndërkohë Crvena Zvezda nga qipriotët e Omonias dhe në turin e tretëtë Ligës së Europës serbët mund të takohen sërish me Tiranën. Molde është kualifikuar në fushën e Karabagut, kurse danezët e Mydtjylland eliminuan Jang Bojs të Zvicrës, duke i mundur 3-0. Është kualifikuar edhe Makabi Tel Aviv që mundi 1-0 bjellorusët e Dinamo Brest.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje