.png)
Ambasadori i Britanisë së Madhe në Tiranë kanë qenë i qartë në qëndrimin e tij lidhur me debatin e shumëpërfolur të ndryshimeve kushtetuese që u implementuan së fundmi edhe në Kodin e ri Zgjedhor.
Ambasadori Norman tha nga Korça se marrëveshja e 5 qershorit nuk ka ndryshuar porse qeveria britanike është e zhgënjyer për vijimësinë e ndryshimeve kushtetuese pa konsensus.
“Marrëveshja e 5 qershorit nuk ka ndryshuar. Ajo çfarë ka ndryshuar është ajo çfarë ka pasur me ndryshimet kushtetuese pas miratimit, që shkoi përtej asaj çka ishte ne marrëveshjen e 5 qershorit.
Qeveria britanike është e zhgënjyer, që ka pasur një vazhdimësi për ndryshimet kushtetuese përtej asaj çka ishte dakordësuar në 5 qershor, dhe ky pozicion joni nuk ka ndryshuar.
Arsyeja pse jam i zhgënjyer është fakti që Shqipëria ka një kohë të gjatë të bërjes së reformave në mënyrë konsensuale, por këtë herë fatkeqësisht kjo gjë nuk ndodhi”, tha ai.
Ambasadori britanik nuk e pa të drejtë të komentonte atë që është e drejtë apo jo e drejtë për një president të një vendi, kur u pyet për Ilir Metën. Por dha një porosi konkrete.
“Është shumë e rëndësishme që Gjykata Kushtetuese të formohet sa më parë, sepse mendoj që Gjykata Kushtetuese luan një rol të rëndësishëm përsa i përket zgjedhjeve por gjithashtu në një nivel më të gjerë se ajo, pra duhet të jetë një prioritet absolut formimi i Gjykatës kushtetuese.
Përsa i përket zgjedhjeve të lira e të ndershme çdo shtet mund të ketë zgjedhje të lira e të ndershme, per sa kohë politikanët punojnë së bashku për ta bere këtë gjë te ndodhi.
Dëshira ose vullneti në politikë shumë më i rëndësishëm sesa sistemi”, tha ai
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje