.png)
Para ndeshjes me Bryzhin në Ligën e Kampionëve, drejtori sportiv i Lacios, Igli Tare, ka folur për situatën që po kalon ekipi këto ditë, kur grupi i futbollistëve është përgjysmuar nga Covid-19. Tare theksoi se pritet përgjigja e tamponëve për disa futbollistë, mes tyre edhe portieri i Kombëtares, Tomas Strakosha.
Ka mundësi që Lacio të kërkojë shtyrjen e ndeshjes me Torinon, e planifikuar për të dielën. “Po përjetojmë një situatë surreale. Shtyrja e ndeshjes? E kemi menduar, por duhet të presim të gjitha verifikimet nga tamponët dhe të premten do të bëjmë llogaritë”, – pohoi drejtuesi shqiptar i Lacios, që barazoi 1-1 në Belgjikë, ku shkoi me një organikë mjaft të reduktuar.
Trajneri Simone Inzagi nuk kishte të gatshëm lojtarë, si Strakosha, Eskalante, Radu, Luliç, Imobile, Lukas Leiva, Luiz Felipe, Kataldi, Luis Alberto, Proto, Laxari, Djavan Anderson dhe Armini. Në këto kushte ai grumbulloi disa lojtarë nga të rinjtë. “Duhet të mendojmë pozitivisht”, – tha në fund Tare. Tani pritet përgjigja e tamponëve për lojtarët që nuk ishin me skuadrën në Belgjikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje